Èra d'un temps vièlh de ma memòria
        d'òmes emé de mans d'òmes
    Avíon montat de barris de pèiras
        E semenat de blat
        « M'au cavanhòu au braç
        Lo rossinhòl que vòla vòla
        M'au cavanhòu au braç
        Lo rossinhòl que volerà... »
    Quora siéu sassi m'aregòli darrier lo barri
    Per sentir l'odor dau Sant Joan
    Èra d'un temps de tèrra racha
    De cabras desganguiladi
    Quora calerà la raissa
    Monterà coma una odor d'encens
    Lo gust totjorn novèl de la tèrra
    Èra d'un temps de fatiga e de rire
    Li camps coma d'amics si donàvon la man
    Davant la cheminèia gisclàvon li mòts
    E lei belugas
    E se sabi plus caminar drech
    Vi pòdi encara cantar la cançon
    « M'au cavanhòu au braç
    Lo rossinhòl que vòla vòla… »