Ja nuls hom pres…
(Tèxte atribuit à Richard Ier Còr de Lion)
1.      Ja nuls hom pres non dira sa razon
2.      Adrechament, si com hom dolens non ;
3.      Mas per conort deu hom faire canson.
4.      Pro n’ai d’amis, mas paure son li don ;
5.     Ancta lur es si, per ma rezenson,
6.     Soi sai dos ivers pres.

7.     Or sapchon ben miei hom e miei baron,
8.     Angles, norman, peitavin e gascon,
9.     Qu’ieu non ai ja si paure compagnon
10.   Qu’ieu laissesse, per aver, en preison.
11.   Non ho dic mia per nulla retraison,
12.   Mas anquar soi ieu pres.

13.   Car sai eu ben per ver certanament
14.   Qu’om mort ni pres n’a amic ni parent ;
15.   E si-m laisson per aur ni per argent,
16.   Mal m’es per mi, mas pieg m’es per ma gent,
17.   Qu’après ma mòrt n’auran reprochament
18.   Si sai mi laisson pres.

19.   No.m meravilh s’ieu ai lo cor dolent,
20.  Que mos senher met ma terra en turment ;
21.  No li membra del nostre sagrament
22.  Que nos feimes els sans cominalment ;
23.  Ben sai de ver que gaire longament
24.  Non serai en sai pres.

25.  Suer comtessa, vostre pretz sobeiran
26.  Sal Dieus, e gard la bella qu’ieu am tant,
27.  Ni per cui soi ja pres.
 

ACUÈLH
SOMARI