| COMA UNA MÚSICA |
Coma una música Que corre sota lei parpèlas Furba Coma una música De nuèch recomençada Que jamai non s'arrèsta Coma una música cridant L'eternitat dau crit Coma una música de paur De can picat cercant la sieu tèrra Passa la vida En lòng, en larg Ò de travèrs Sota dau pònt gibós Si négon lei estelas Coma una música sensa camba Trampinant dins l'escalinada Coma una música de jorns Pintats de guinhas Sota dau pònt gibós Acabant de crepar La boca dubèrta Jogant cada jorn Un pauc pus bas Coma una música Que s'estofa Davant d'anar crepar dins la còla. Alan PELHON, COMA UNA MÚSICA, Z’Éditions, 1989 |