òu Gé ti fas vielh
    As totjorn lei tieu guinhas de jove
Aquel plec à l'entorn de la boca quora ti ries
        E la tieu bereta de travers
òu Gé pauva un pauc lei tieu mans
Siés solet
Lo sabi   
À ieu mi pòdes pas cuntar d'istòrias
    Una frema l'auries ben pilhada
        Mas aquí
Lei nuèchs d'invèrn vi rólhon la tèsta    .
E lei fremas s’en son enanadi
Alora si trovèm totjorn tres﷓quatre per beure un còp
Parlar de la caça e d'aquel pòrc mancat cinc còps
Ò per dire de mau de Filo quora es pas aquí
    Mas segur que quora si sèrra la pòrta
Ti sentes colhon, e Gé ?
Li es lo pan sus lo taulier e lo fuèc amurcit
As pas fam esto sera Gé ?
    Vèn pas cada jorn à ben de s'estirassar la vida
        Aí !
Mas deman aganterèm la lèbre e si mangerèm la fricassada
    Deman destaperèm aquela bòna botelha
E anerèm pissar còntra la pòrta de l'autre aucèu de Joan
Siés d'acòrdi Gé ?
Gé cen qu'as ?
Ti plores
    Non far l'estaci, vène mé nautres !
Anèm cantar, anèm trovar Toina
Menta-mi un pauc aquela nuèch ! Anèm, vène Gé !