| Lo pichòt caton s'es perdut: - Miau, miau, ai fam! |
|
| Rescòntra lo chin. - Que vòs? li demanda lo chin. - Ai fam, ai fam! - As fam? Vai t' en vèire la fermiera, diga-li "bau, bau" e te balharà un òs. - Es pas un òs que vòli: vòli de lach! |
|
| Contunha de caminar e rescòntra un gau: - Que vòs? li demanda lo gau. - Ai fam, ai fam! - As fam? Vai t' en vèire la fermiera, diga-li "cacaracà", e te balharà de gran. - Es pas de gran que vòli: vòli de lach! |
|
| Contunha de caminar e rescòntra lo coniu: - Que vòs? li demanda lo coniu. - Ai fam, ai fam! - As fam? Vai t' en vèire la fermiera, bolega un pauc leis aurelhas, e te balharà de treule. - Es pas de treule que vòli: vòli de lach! |
|
| Contunha de caminar e rescòntra lo canard:
- Que vòs? li demanda lo canard. - Ai fam, ai fam! - As fam? Vai t' en vèire la fermiera, diga-li "oen-oen!", e te balharà de pasta. - Es pas de pasta que vòli: vòli de lach! |
|
| Contunha de caminar e rescòntra la cabra:
- Que vòs? li demanda la cabra. - Ai fam, ai fam! - As fam? Vai t' en vèire la fermiera, diga-li "mè, mè", e te balharà d' èrba. - Es pas d' èrba que vòli: es de lach! |
|
| Contunha de caminar e rescòntra l' ase:
- Que vòs? li demanda l' ase. - Ai fam, ai fam! - As fam? Vai t' en vèire la fermiera, diga-li "i-an, i-an", e te balharà de civada. - Es pas de civada que vòli: vòli de lach! |
|
| Contunha de caminar e rescòntra la cata: - Que vòs? li demanda la cata. - Ai fam, ai fam. - As fam? Vai t' en vèire la fermiera, diga-li "miau, miau" e te balharà de lach. Lo caton s' en va vèire la fermiera que li balha de lach: es tot content! (adaptat d'après un cònte tradicionau aupenc) |
|