L'AMERICO
(version originala)
Au ciel de ma souvenènço
Dins lou blu de mei pantai
Lei niéulo de ma Prouvènço
Courron davans lou Mistrau
Tant fa de tems que partèri
Tant de tems que n'en siéu luen
D'aqueu peïs de misèro
E li vouèli toujout ben
Qu saup se l'aigo d'Artùbi
S'en va toujout au Verdoun
Se li es enca la Bastido
Proche La Roco Esclapoun
An bello dire que pouortes
Ta terro au bout dóu soulié
Doun siés neissu fóu que mouores
Se voues pas mourì soulet
Vourriéu la legi moun ouro
À la barro dóu miejou
Me refresca 'nca la goulo
À nouostro fouont de La Fous
Vourriéu tua'nca'no lèbre
Ei revieure de l'Ubac
Mena 'nca 'no doumeiselo
Ei devens de la Vanau
Tant fa de tems que partèri
Tant de tems que n'en siéu luen
D'aqueu peïs de misèro
E li vouèli toujout ben
Au ciel de ma souvenènço
Dins lou blu de mei pantai
Lei niéulo de ma Prouvènço
Courron davans lou Mistrau
|
L'AMERICA
(transcripcion en grafia classica)
Au ciel de ma sovenença
Dins lo blu de mei pantais
Lei niulas de ma Provença
Córron davant lo Mistrau
Tant fa de temps que partèri
Tant de temps que n'en siéu luènh
D'aqueu país de misèra
E li vòli totjorn ben
Cu saup se l'aiga d'Artubi
S'en va totjorn au Verdon
Se li es encar la Bastida
Pròche La Ròca Esclapon
An bèla dire que pòrtes
Ta tèrra au bot dau solier
Dont siés naissut fau que mòres
Se vòs pas morir solet
Vorriéu la legir mon ora
À la barra dau miègjorn
Me refrescar 'ncar la gola
À nòstra fònt de La Fox
Vorriéu tuar 'ncar 'na lèbre
Ai reviures de l'Ubac
Menar 'ncar 'na domaisèla
Ai devens de la Vanau
Tant fa de temps que partèri
Tant de temps que n'en siéu luènh
D'aqueu país de misèra
E li vòli totjorn ben
Au ciel de ma sovenença
Dins lo blu de mei pantais
Lei niulas de ma Provença
Córron davant lo Mistrau
|
